ملحوظة غامضة في إعفاء الدجاج المستورد من الجمارك

المصريون 0 تعليق 207 ارسل لصديق نسخة للطباعة


أكد نشطاء على مواقع التواصل الاجتماعي أن القرار بإعفاء الدجاج المستورد من الجمارك به ملحوظة غريبة تشير إلى أنه تم "تفصيله" لمصلحة شخص معين .

وقال الناشط "أحمد صقر" في تدوينة: "هو لِيه محدش خد باله في إعفاء الفراخ المستوردة أنها بأثر رجعي ..ومين الجامد اللي متفصل لِيه القانون علشان شحنات الشهور اللي فاتت كمان ميتدفعش عليها جمارك مع أنها دخلت و اتباعت للناس بسعر متحمل بجماركها ...هي خزنة إيرادات الدولة عندها وفر في الإيرادات علشان تعفي بأثر رجعي كمان ؟ منين مصدعينا بمقاطعة المستورد و بلاش استيراد وأنتوا افسد خلق الله بتتاجروا في قوت الشعب و علاجه ووجعه ..في أي حد عنده عين يقول حيثيات القرار وأسبابه ضروراته و لِيه اثر رجعي ومين مستفيد و ازاي يعوضوا و يحموا الصناعة المحلية اللي فاتحة بيوت ؟ انتوا أغبياء ولا خونة ولا الاتنين ؟" حسب تعبيره.

فيما قال الكاتب الصحفي تامر أبو عرب في تدوينة: "الحكومة عملت حاجة لطيفة جدا .. أعفت الدواجن المجمدة اللي يتم استيرادها من ١٠ نوفمبر ل٣١ مايو من الجمارك وقررت تطبيق القرار بأثر رجعي .. يعني أنا عندي مشكلة في العملة الصعبة ومشكلة في قطاع الدواجن نتيجة ارتفاع أسعار الأعلاف والأمصال، فأقوم عامل إيه بقى؟ .. بالضبط كدة .. أعمل حوافز أكبر على الاستيراد علشان أزمة الدولار تزيد أكتر  ، والمستثمر المحلي يتخرب بيته ويقفل .. طيب ما دمت مستغني عن الجمارك، طيب ما كنت تعفي منها الأعلاف والأمصال مثلا علشان تكلفة الإنتاج تقل وبالتالي الأسعار تقل وفي نفس الوقت تحافظ علي الصناعة المحلية وتحافظ علي فرص العمل اللي بتوفرها وتشجع ناس تانية تستثمر في المجال وتخلق فرص عمل جديدة؟".

وأضاف: "فعلا فيه قرارات كدة تحسها معمولة علشان تخرب اقتصاد البلد وتزود أزماتها وغالبا بتكون القرارات دي لصالح تلات أربع رجال أعمال هيعملوا بيزنس في المجال ده فتبدأ القرارات والقوانين كلها تخدم عليهم .. يعني ليه يا مؤمن القرار من ١٠ نوفمبر ل٣١ مايو تحديدا؟ .. ليه مش من أول ديسمبر؟ .. ليه بأثر رجعي؟ .. شوفوا إيه الشركات اللي ليها فراخ مجمدة في الجمارك دلوقتي هتعرفوا القرار معمول مخصوص لمين".

إخترنا لك

أخبار ذات صلة

0 تعليق